老街無聲

今日老街又有好多旅遊車觀光

食早餐就見到水井油條排長龍

我行過廣州灣商會同四號碼頭

遍佈生面口影相嘅遊客逼滿巷

佢哋覺得幾新鮮但我早就睇慣

嗰個碼頭嘅階梯見證幾代人行

阿爺細個嗰陣呢度係海

商船泊石級邊浪花盛開

百年光景填平咗嗰片海

嗰片海化作今日嘅繁華

小學嗰陣

我哋三個細路仔

一齊返學一齊逛街

勾手指話做永遠嘅好兄弟

嗰陣以為勾手指就一世

小學結束後乜都唔同曬

三個人三間中學各行各街

老街無聲又似舊歌斷咗帶

階梯仲喺度

海浪唔喺度

你哋都唔喺度

就得返我喺度

我哋六年嘅友情

就似未曾見過嘅海景

大個咗各行各路

再撞返面都冇乜嘢好傾

我哋嘅友情已消散無形

歲月喺指間打轉

捉唔住留低溫暖

同埋嗰疊舊相片

家陣我行過呢片天

都係紅塵過客一遍

我企喺碼頭階梯

牆角生滿咗青苔

中間滑道承載無數對鞋

裂縫無悔似時間留低嘅題

階梯仲喺度

水井仲喺度

你哋唔喺度

老街仲喺度

友情唔喺度

所有聚散都似浪花

沖上嚟嗰陣好繁華

退返去就留低細沙

我嚟到只係經過

海浪化作滿街燈火

所有舊事只係海上星河

老街仲係老街

我已經唔係嗰個我

今日又點會仲見到嗰片海